Bie Riägenwiär mä es 30 Lüe bin Krink (8. 9. 10)

 

De Urlaubstiet is nu meest to Enne.Bie Riägenwiär wassen mä es 30 Lüe to den Krinknommdag kurmen. Franz Schulze Nahrup begrüßere alle un leiht Bernhard Westbeld met Frau fö 60jäöhriget Ehejubiläum hauge liäben. Bie dat Leed „Urse Warnduop“ leip de Jaohresablauf düör de Strophen.

Dat Warnduopleed von Natz Thier „Dat Städtken ligg in,t Mönsterland“ druog Mathilde Kempkes vüör.“De Himmel will vedeint sien“ un „Dat Hollandrad“ kam von Resi Hülsmann. Heinz Beckhove brach „De Kiergelclub is met Rad unnerweggens“ und „Bänd an de Hümmelspoate“.Anneliese Dunker harr „De Prossione“ un „De Brandstifter“ paraot. Besinnlikes brach Gerda Dillmann met „De Heide bleiet“. Roswitha Wienstroer har sick dat Vetellsel „En Telegramm met Twillinge fö Agnes“ trechte legget.

Bie dat Leed „ O wu schön is mien Westfaolen“ konnen de Besökers es derbe Damp aflaoten, well dat se de ganze Tiet tohöen mossen. Josef Strotmeier vertellere wat ut de niee Tiet „Urse aolle Dourpmusik, kerl wat wassen wie doch riek“ – „Musik is wat anners, es den Krach von Dage“. Roswitha Wienstroer harr daoto auk no wat von Josepha Pues „Et was de aolle Ferdinand – de naichste Musikant – De Musikanten kurmt un mürt wiee gaohn – ower gurte Musik de bliw bestaohn. So wuorn Vetellsels vödruogen, de auck wull in urse Tiet paossen.

Met dat Toropleed „ Gurt gaohn – auk so – bes en anner Maol“ wor Schluß maket. De naichste Krinknommdag is an,n 13. Oktober 16.30-18.00 in,t Kolpinghuus.

 

 

Startseite Stadtmuseum Kirchen Lexikon Erlebte Geschichte Archiv Über uns
Bilderbogen Gadem St. Laurentius Persönlichkeiten Veranstaltungen
Video Tapetensaal St. Marien Straßennamen     Impressum
  Torschreiberhaus Christuskirche Mariä Himmelfahrt      
  Haus Bispinck St. Joseph Karneval      
    Affhüppenkapelle Fettmarkt      


Heimatverein Warendorf e. V., Vorsitzende: Mechtild Wolff, An der Kreutzbrede 7, 48231 Warendorf, Tel: 02581 2135        
E-Mail: vorstand@heimatvereinwarendorf.de
Copyright: Heimatverein Warendorf (C) 2005 -2024 (Impressum und Datenschutzerklärung)