Über den plattdeutschen Krink
Krink-Theaterfaohrt nao Ossenfelde

Warnduorp (gl). Dat leste Maolin't Jaohr 2004 dreipen sick de Lüe von den Plattdütsken Krink lesten Middewiärken in't Kolpinghuus. De Baas Franz Schulze Nahrup freiere sick daorüöver, dat de Saal rappeivull was un begrüßere alle recht hiärtlick.

Toiärst wuor üöwe de Theaterfaohrt nao Ossenfelle küet. Düssen Winter wäd „Dat Testament" spierlt. De Plattdütske Krink hat enen Bus bestellt un dat ganze Wiärks sall 15 Euro (Kaffee.Kuoken, Faohrt, Intritt) kosten. Affaohrt is 13.30 Uhr up'n Wilhelmsplatz. Trügge kümp de Bus um 19 Uhr. Anmellen kann man sick äs ümmer in de Sonnen Apotheke, Mönsterstroate 3, Warenduorp. De iärsten 50, de sick inschriewen laotet, fönet met. Well dat de Theaterfaohrt in'n Januar is, wet dat Möpkenbrautiäten in den Februar velegt. An'n Middewiärken, 2. Februar, giwt dann Möpkenbraut, Liäwebraut un Appelkompott.

Met „Schneeflöcksken, witt Röcksken" gong't dann in't Programm. De Vödriägers harren sick feine Advent- un Wiehnachtsgeschichten trachte leggt. So brach Mathilde Kempkes „Advent" un „Dat Nikolaus-kostüm". Roswitha Wienströer droug „Sünte Klaos" un „Wiehnachtsmarkt" vüör. „Kuort vüör Wiehnachten" un „Mine Tante Gloria-Diana" wuor von Resi Hülsmann vüöluosen. Sophie Poppenbuorg harr sick „Fotografeen" un „Mößigkeit" trachte leggt. Tüschkendüör sangen alle dat Leed „O Dannenbaum, o Dannenbaum". Met Anni Dopheide gong't dann wiede düört Programm „Dezember" un „De Schnieder". Heinz Beckhove harr deVetellsels „DeWunschzierdel" un „Henrik geiht vüör Wiehnachten noa bichten". Met de Leeder „Aolle Jaohr, o Wunner" un „Muorn, Kinner sallt wat gierwen" stimmeren sick de Besökers up de Wiehnachtsdage in, un alle gongen utennene met dat Toropleed „Gurt gaohn - auk so". An'n 16.Januar is de Theaterfaohrt nao Ossenfelle.

 

Aus "Die Glocke", 14. 12. 2004

 

Startseite Stadtmuseum Kirchen Lexikon Erlebte Geschichte Archiv Über uns
Bilderbogen Gadem St. Laurentius Persönlichkeiten Veranstaltungen
Video Tapetensaal St. Marien Straßennamen     Impressum
  Torschreiberhaus Christuskirche Mariä Himmelfahrt      
  Haus Bispinck St. Joseph Karneval      
    Affhüppenkapelle Fettmarkt      


Heimatverein Warendorf e. V., Vorsitzende: Mechtild Wolff, An der Kreutzbrede 7, 48231 Warendorf, Tel: 02581 2135        
E-Mail: vorstand@heimatvereinwarendorf.de
Copyright: Heimatverein Warendorf (C) 2005 -2024 (Impressum und Datenschutzerklärung)